ملك زاهر تكشف عن حالتها الصحية وتؤكد: «أعاني من حساسية في الدم وثقتي بالله كبيرة للشفاء»

كشفت الفنانة ملك أحمد زاهر عن تفاصيل الوعكة الصحية التي تعرضت لها مؤخرًا، والتي استدعت دخولها المستشفى، حيث تم تشخيص الأعراض التي عانت منها لاحقًا بأنها «حساسية في الدم».

وقالت في منشور عبر خاصية «الإستوري» بحسابها الرسمي على موقع الصور والفيديو «إنستجرام»:«أنا والله ما كنت متوقعة كل اللي حاصل ده، لما حبيت أشارك حالتي الصحية كان بسبب إنني كنت مخضوضة جدًا على نفسي، وفكرة إن لا أنا ولا الدكاترة حتى عارفين أنا عندي إيه كانت رعباني»

مقال مقترح: محاضرة فنية مع روبرت دي نيرو بعد تكريمه في مهرجان كان السينمائي

وأضافت: «كنت محتاجة أوصل لكم إن حياتي فيها الحلو وفيها الوحش، وقلت في الستوري إن الموضوع مش الغرض منه القلق، وإني مش عايزة حد يقلق عليا، أنا كويسة وعندي يقين في ربنا إنه هيقومني بالسلامة، وإن شاء الله تبقى حاجة بسيطة، بس من خضتي كتبت، مع إن دي مش طبيعتي إني أشارك الحاجات السلبية عمومًا»

وتابعت: «أنا بس مش عارفة أقول إيه، من قلبي بشكر كل حد سأل عليا ودعالي، والله كله كان بيوصلني، وأنا آسفة لو مردتش على حد، وبشكر كل زمايلي وأساتذتي اللي كانوا بيسألوا عليا كل يوم، ومسابونيش لحظة، وكل صحابي وعيلتي اللي كانوا جنبي، أنا الحمد لله بقيت أحسن من الأول وبطلت أروح المستشفى، الحمد لله بحمد ربنا إنها جت على قد كده، حتى لو الأيام اللي فاتت كانت صعبة، واللي عندي ده حاجة مخيفة شوية وخضتنا، بس برضو أنا كويسة، والحمد لله أنها جت لحد كده»

مقال له علاقة: أبطال فيلم “THE PHOENICIAN SCHEME” يتألقون في مؤتمر صحفي بمهرجان كان السينمائي

واختتمت: «ربنا حماني من حاجة أكبر، وأهم حاجة إذا عُرف السبب بطل العجب، والحمد لله أننا عرفنا، هي حساسية شديدة في الدم، الموضوع critical شوية، بس أنا مطمنة، أنا بخف وبتحسن كل يوم، الحمد والشكر لله، ومفيش حاجة خطيرة بإذن الله، وأنا آسفة لو كنت قلقتكم، بس ده مكانش الغرض أبدًا، والله شكرًا من كل قلبي على الحب ده، أنا عرفت غلاوتي عندكم وعند كل اللي حواليا، بشكركم من كل قلبي»