سلاف فواخرجي تتحدث عن زواجها من بشار الأسد: والله إنه أمر مضحك

.

علقت الفنانة على الصورة المتداولة عبر مواقع التواصل الاجتماعي بشأن عقد زواجها المزيف من الرئيس السوري السابق بشار الأسد، بعد أن قرر مجلس نقابة الفنانين السوريين شطبها، نتيجة إصرارها على إنكار جرائم نظام الأسد وتنكرها لآلام الشعب السوري، حسبما وصفته النقابة.

اقرأ كمان: أبرز 10 مسلسلات أنمي تتفوق على “سولو ليفلينج”.. “بليتش” و”داندادان” في المقدمة

نشرت “سلاف” الصورة عبر “فيسبوك”، وعلقت: “لا تواخذونا … عملناها على الضيق … ما عزمنا حدا، بضحك قسماً بالله شي يضحك. أنا عادة جدية على فكرة، بس والله ما قدرت. هل تستطيعون أن تكونوا نبلاء لمرة واحدة على الأقل؟ هل تستطيعون أن تناقشوا أفكار دون الطعن بالشرف، الذي لا يتوقف عنده إلا كل من لديه عقدة فيه؟”.

وأضافت: “هل تستطيعون أن تخرجوا عقولكم خارج غرف النوم؟ وتعبتوا واجتهدوا كملوا للآخر، لسا عايزين تقطيع خبز منيح، يلا معلش مرة بعد مرة وثيقة بعد وثيقة … بتنجحوا. المرة الماضية غلطوا بإحدى وثائق الزواج التي شفناها، بخانة الطائفة ونحنا بسوريا ما كان عندنا خانة الطائفة (ما بعرف هلأ إذا صارت)، واضحكوا عليكم الناس.”.

وتابعت: “بس معلش، تعلمتوا، واليوم تلت غلطات بحالهم! مع أن القصة مو صعبة، أنكم تطلعوا بيان قيد عادي جداً وسهل. ولادتي بالأوراق الرسمية بعد تلت أيام من ولادتي، يعني بـ 1_8_1977، يوم عيد الجيش السوري واللبناني، وبابا الله يرحمه اسمه محمد مش محمد سليم، وخانتي بمشروع صليبة والخانة 65 وبشوف حالي فيها.”.

واستطردت: “وكل الحب لأهلنا بالسكنتوري، أنا من كل اللاذقية ومن كل سوريا، عشان إذا بدكن تعدلوا يا نوابغ يا جهابذة، لأن العقد يُعتبر باطلاً هيك والعياذ بالله. غير هيك والأهم، فين ورقة الطلاق؟! هي البيانات صارت عندكم، بالي بتخافوا الله! أنا لم أطلق ولن أطلق إذا ربنا أراد، والله يحمي لي زوجي وعيلتي ويحمي كل الناس. عيب، وبس، خالوا بالكم على البلد والناس هم أحق بالاهتمام مني، ولا شو؟”.