محمد يوسف يفجر مفاجآت حول رحيل الثلاثي

أوضح محمد يوسف، المدير الرياضي للنادي الأهلي، تفاصيل وأسباب مغادرة الثلاثي رامي ربيعة، حمزة علاء، وأكرم توفيق من الفريق الأحمر.

وذكر في تصريحات تليفزيونية: «أنا لسة جاي بقالي 28 يوم، لما جيت اتكلمت مع اللاعيبة دي أكرم كان موقع مع أحد الأندية القطرية»

شوف كمان: أول قرارات ريفيرو.. نجم الأهلي ينضم لبيراميدز وثنائي محتمل للزمالك

الاحتراف الأوروبي وراء رحيل حمزة علاء

وأضاف: «لما اتكلمت مع حمزة علاء كان عنده طموح يطلع أوروبا، ومن هنا عرفت إنه كان تم التواصل معاه سواء عن طريق محمد رمضان، أو خالد بيبو، ولما قعدت معاه كان فيه رغبة إنه عاوز يسافر»

مواضيع مشابهة: تطورات مفاجئة في الأهلي: جديد بشأن ريفيرو وتحديد موعد أول مباراة لزيزو

وتابع: «رامي ربيعة نفس الكلام اتكلمنا، وأنا شخصيًا محبتش الأرقام إللي كنا بنتكلم بيها شايفها كبيرة بشكل مبالغ فيه للرقم إللي الإدارة حددته»

وواصل: «في النهاية فضلت إن رامي لعب للنادي، وفاز ببطولات مع النادي الأهلي واسمه كبير، والدنيا جريت بينا فاكر رامي 2011 وجيبنا رامي من قطاع الناشئين كان بيلعب ديفندر كان لاعيب جيد، وبقي لاعيب كبير، لكن في نفس الوقت الأهلي بيدرس الاحتمالات اللي هو عاوزها والطلبات اللي يقدر يلبيها، وحمزة عاوز تجربة احتراف، في النهاية نتمنى له التوفيق»