«ملك زاهر تعلن عن معاناتها الصحية.. لا أريد أن يراني أحد بهذه الحالة»

كشفت الفنانة ملك أحمد زاهر عن تعرضها لوعكة صحية مفاجئة منذ 3 أيام، وأكدت أن الأطباء لم يتوصلوا بعد إلى تشخيص دقيق لحالتها، مشيرة إلى أن حالتها النفسية في وضع سيئ للغاية.

وكتبت ملك زاهر عبر خاصية القصص القصيرة على حسابها في «إنستجرام»: «أنا عمري ما كنت بنزل غير الحاجات اللذيذة أو الهزار أو أي حاجة إيجابية، ولما كنت أحب أنزل حاجة سلبية كنت باخدها بهزار وبنزلها لأصدقائي المقربين».

مقال له علاقة: المسلسلات التركية في 2025: دراما تجمع بين الثأر، الحب، والأساطير

تابعت: «بس بجد حاسة أن الفترة الأخيرة كل التعليقات اللي بتيجي لي كلها مانتي عايشة ومبسوطة، وإحنا مش عايشين، وإيه كل اللي انتو فيه، وحاسة أن في ناس بصة على أتفه الحاجات اللي ممكن تكون عندي واللي بتبسطني، زي مثلاً إني أروح الجيم أو أخرج مع صحابي أو يكون شكلي حلو وأنا رايحة حدث معين».

أشارت: «حبيت بس أقولكم أن الحياة مش وردي، أنا بقالي 3 أيام تعبانة شوية وعندي حاجة لحد دلوقتي مش فاهمين سببها، وجت فجأة، وفي حوالي نص ساعة قبلها كنت زي الفل، ومن ساعتها مش عارفة أنزل أو حد يشوفني بالي أنا فيه ده، ونفسيتي وحشة أوي، أنا بحكي الكلام ده عشان تعرفوا بس أن حياتي فيها الحلو والوحش زي أي حد، بس أنا بحب دايمًا أشارك الحلو بس، وغالبًا ده غلط، فقررت أشارككم كمان الوحش».

أضافت: «ومع أن اللي بيحصلي دلوقتي، أنا بحمد ربنا عليه، وعارفة أنه بإذن الله ها يكون شيء بسيط، وإن شاء الله هاخف وكل شيء ها يكون تمام، بس هو مخلي نفسيتي وحشة أوي، حقيقي كل اللي طالباه أنكم ما تحكموش على حد من السوشيال ميديا أو من ظهوره في أي حاجة، لأنها بتظهر بس يمكن ٢٠% من حياته، وادعولي أخف بسرعة، شكرًا».

مقال مقترح: تفاصيل 6 جوائز حديثة لبرنامج «رحلة 404» بطولة منى زكي

اختتمت: «والهدف من الستوري دي مش أن أي حد يقلق، لأن الحمد لله أنا كويسة، وإن شاء الله اللي عندي ده له حل، وأنا تمام مافيش حاجة مقلقة، أنا بس حسيت أني محتاجة أشارك الوحش زي ما بشارك الحلو، مش أكتر».

اقرأ أيضًا: