كشفت الفنانة الشابة عن تعرضها لوعكة صحية استدعت دخولها المستشفى في الأيام الأخيرة، حيث أوضحت لمتابعيها عبر استورى على حسابها في إنستجرام، فقالت: «عمري ما بنزل إلا الحاجات اللذيذة أو الهزار أو أي شيء إيجابي، ولما كنت بنزل شيء سلبي كان له هدف، وغالبًا كنت باخده بهزار بيني وبين صحابي»
ثم تابعت: «لكن حاسة إن الفترة الأخيرة بتوصلني كومنتات كلها بتقول إنتي عايشة ومبسوطة واحنا مش عايشين، وإيه كل اللي انتو فيه، وحاسة إن في ناس بتركز على أتفه الحاجات اللي بتبسطني، زي إني أنزل أروح الجيم أو أخرج مع صحابي أو أكون شكلي حلو وأنا رايحة إيفينت معين»
مقال مقترح: ميرا فيكتور بطلة فيلم 40 يوم تكشف كواليس الفيلم قبل عرضه في أمريكا.. قصة حقيقية من قلب ست مصرية
وأضافت ملك أحمد زاهر: «حبيت بس أقولكم إن الحياة مش وردية، أنا بقالي 3 أيام تعبانة شوية، وعندي حاجة لحد دلوقتي مش فاهمين سببها وجت فجأة، وفي حوالي نص ساعة قبلها كنت زي الفل، ومن ساعتها مش عارفة أنزل أو حد يشوفني بالي أنا فيه، ونفسيتي وحشة أوي، أنا بحكي الكلام ده عشان تعرفوا بس إن حياتي فيها الحلو والوحش، والله زي أي حد، بس أنا بحب دايمًا أشير للحلو بس، وغالبًا ده غلط، فقررت أشارككم»
من نفس التصنيف: تامر حسني يشكر جمهوره ويصفهم بالداعم الحقيقي منذ بداية مشواره الفني
ثم اختتمت كلامها قائلة: «كمان الوحش ومع إن اللي بيحصلي دلوقتي أنا بحمد ربنا عليه، وعارفة إنه بإذن الله هيكون شيء بسيط وإن شاء الله هخف، وكل شيء هيكون تمام، بس الهدف من الاستوري دي مش إن أي حد يقلق، لأن الحمد لله أنا هو مخلي نفسيتي وحشة أوي، حقيقي كل اللي طالبة أنكم ماتحكموش على حد من السوشيال ميديا أو من ظهوره في أي حاجة لأنها بتورى بس يمكن 20٪ من حياته، ادعولي أخف بسرعة وشكرًا، وأنا تمام مافيش حاجة مقلقة، أنا بس حسيت إني محتاجة أشارك الوحش زي ما أنا بشارك الحلو، مش أكتر»
اقرأ أيضًا:
قد يهمك أيضاً :-
- تحذير السفارة الإسبانية في القاهرة لرعاياها من المشاركة في مظاهرات غير مرخصة بمصر
- جدول مباريات ريال مدريد في كأس العالم للأندية.. المواجهة الأولى ضد الهلال
- لحظات لا تُنسى في مشوار النجم محمد عبد الشافي.. شاهد الفيديو
- سفراء الاتحاد الأوروبي في القاهرة يتعاونون لتحسين حياة سكان الفيوم
- مدبولي يؤكد متابعة تداعيات الهجوم الإسرائيلي على إيران وتعزيز مخزون السلع الاستراتيجية
تعليقات